शब्द

घंटा नाद प्रथम प्रहारीचा 
कसा घुमावा शब्दातून 
दव बिंदूंची अवखळ लगबग 
कशी तोलावी शब्दातून

उत्कटता त्या नजरेमधली 
उलगडेल का शब्दामधुनी
ओली खोली रत्नाकराची 
कशी मापावी शब्दामधुनी

अंतरातली असीम इच्छा
परोपकारातली सदिच्छा 
अव्यक्त अशा साऱ्या इच्छा
वदतील का रे शब्द होवून 

हे ही वदतील, तो कवी म्हणतो 
'त्याचे'च सारे 'तो'च वदवितो 
जो जो 'त्या'शी समरूप होतो
शब्दही त्याच्या शरणी येतो...

- देवेंद्र ओंक.