आले झर झर ढग, गेले
झाकुनिया नभा,
होई गहजब येथे, थाटे
सोहळा हा नवा ||
गहिवरले हे मन,
पान्हा वात्सल्याचा पहा,
आला आला आला आला, मऊ
ओलासा गारवा ||
नभ काळे नि जांभळे,
नभी पारव्यांचा थवा,
लेउनी हा धरित्रीचा,
गोड प्रेमाचा सांगावा ||
दुडू दुडू त्याची
चाल, जणु खट्याळ नाखवा,
आला वल्हवीत नाव,
संगे घेऊन ओलावा ||
आणि भेट त्यांची
होता, पृथ्वी आनंदाने गाई,
धुंद करीत मनाला,
जणु बाळाला अंगाई ||
-
-देवेंद्र
No comments:
Post a Comment